Bâh du dak geh rnoh chuh vacxin dŭt đê̆, Việt Nam lĕ rgâl nău, jêng ngoăy tâm 6 ngih dak geh rnoh vacxin dŭt âk ta lam ntur neh.

Nglôch lôch rƀŭn nchră, Thủ tướng Phạm Minh Chính lah na nê̆, tât aƀaơ, he lĕ dơi mât njrăng bah nuh srê Covid-19; ndơn kan an chính phủ, Thủ tướng lah ueh, kơp dơn n’hanh uănh năl rnê tâm rgop âk bâh n’gâng kan nchră nău đah dak bah dih ta nău kan pă an vacxin, tâm rgop âk ta nău kan njrăng, rdâng nuh srê. Thủ tướng lah na nê̆, mông narlet năp tay, nuh srê Covid-19 ê hŏ bah, nău ntưp rêng hôm nha âk ta lam ntur neh. He mô dơi geh bân thơ, kơl tay njrăng rdâng nuh srê, an lor mpeh nău mât njrăng nuh srê Covid-19 n’hanh ăp nuh srê êng. Yor nĕ, he an geh ƀư rgâl dăn vacxin, rvăt dơi vacxin lah bâh geh tâm boh kan. Thủ tướng lah na nê̆, an geh ntrôl mbơh nău kơt nti ƀư gay ma nău kan nkra ƀư vacxin geh ƀư dơi.