Kêng măng nđaơ (15/8), ta Ngih Chính phủ 15/8 Thủ tướng Chính phủ Phạm Minh Chính mâp măt Rmôt chưng play bu ur lam dak Việt Nam jêh rnôk rmôt sĭt bah rwăch n’glêh dŭt World Cup bu ur năm 2023.  Ndơn măt Chính phủ, Thủ tướng mbah rhơn Rmôt lĕ rơh bôk năp tâm rlong ta Nar rgum têh ngăn bah chưng play bu ur lam ntŭr neh đah nuih n’hâm yor cờ ao nsoh, mât nâp nău mĭn, nău nsrôih, tâm rnglăp, mpơl saơ nău mpŏng ŭch, nău nsrôih dŭt têh đah nău way kan gay rlet rlău săk nơm; nkre, mât nâp nuih n’hâm tâm ôp, tâm nti, mô dơi ntlơi.

Ntoh ngơi ta aơ Thủ tướng lah rjăp, nău rŏng đah play bah nuĭh Việt Nam he dŭt têh, nar lơ têh yor nău janh dăng, nău mĭn nuih n’hâm, n’hanh trong tâm rlong bah ăp nuĭh chưng. Thủ tướng mpŏng ŭch, tâm ăp rơh tâm rlong êp tât, “Ăp bu ur kim cương” lơ jêr jŏt, ntŭl rlong lơ an tâm rnglăp, n’hao nuih n’hâm tâm rnglăp, kỷ luật, kỷ cương, tĭng nău n’gluh an bah kruanh nai ntĭm, Ban ntĭm nti, rmôt bu ur mbra geh âk săk rnglăy têh lơn tay tâm rgŏ năp.