Kêng măng 12/5, Thủ tướng Phạm Minh Chính hŏ vơt wa Ki Tack Lim, Tổng thư ký ntŭk kan trong dak lêng lam ntur neh IMO. Thủ tướng Phạm Minh Chính lah rjăp, Việt Nam lah dak kan nsum geh nau blau ngăn tâm nau ƀư kơt tĭng ăp nau ton bah lam ntur neh lah nsum ndrel nau ton bah lam ntur neh mpeh trong dak lêng lah êng. Chính phủ Việt Nam ŭch IMO lŏ lah ntŭk kan lah ntur neh leo trong, ntrŭt dăng nau tâm boh đah Việt Nam ndrel ăp dak kan nsum tâm nau kan tâm boh trong dak lêng. Việt Nam geh rlau 3000 km trong dak lêng, tâm trong dak lêng lam ntur neh tơm, nthoi bar đại dương têh ngăn lah Thái Bình Dương ndrel Ấn Độ Dương.

Nkuăl geh nau dơi hun hao văng sa blau ndrel hun hao prêh. Việt Nam uănh nau hun hao văng sa dak lêng lah ngoai tâm ăp nau kan bôk năp tâm nau kan hun hao văng sa neh dak, rnôk aơ geh 34 mpông dak lêng dôl pah kan. Gay n’hao lơn tay nau tâm boh tâm nau kan dak lêng, Thủ tướng đă IMO ndrel săk bah Tổng thư ký lŏ kơl an ân Việt Nam n’hao lơn tay nau blau mpeh dak lêng, rgop nau ngăn tâm nau hun hao văng sa, rêh jêng bah Việt Nam ndrel ntrŭt dăng nau đăp mpăn, tâm boh, hun hao tâm lam ntur neh./.