Aơ lah 3 nău kan dŭt khlăy bâh ngih dak n’gâng kan ƀư ntung trong đah lĕ nău jong bâh 3 trong lah 247km, lĕ rnoh prăk ntuh ƀư bâh 3 nău nchrăp kan têh lah rlău 115 rbăn rmen prăk.

Thủ tướng đă ăp n’gâng kan ntŭk kan geh tât bâh Trung ương ndrel tâm rgop đah n’gâng kan mât uănh ntung trong, UBND 7 n’gor, nkuăl ƀon têh geh pă ƀư tĭng, geh nta nău dơh nơih, ngăch doh rklaih ăp nău jêr, kŏ văk, mât đăp mpăn rnă njrăng gay ma rnâng kan mât uănh nău kan n’hanh ăp nuĭh leo kan ƀư trong geh ƀư di nău nchrăp lôch, săk rnglăy. Chính phủ mbra way geh ntêm nău mât uănh, ntĭm đă răng dăng gay ma ƀư lôch 3 nău kan aơ tâm ban kơt ăp nău kan ntuh kơl ndơ dŏng ntung trong an tâm di, ueh, tâm di đah nău ŭch hun hao wăng sa- rêh jêng, n’hao nău rêh bâh ƀon lan. Tâm nar 18/6, Thủ tướng Phạm Minh Chính lĕ râng rơh sa nkra 2 nău nchrăp kan têh ntŭk kan Nha Trang- Cam Lâm n’hanh Vĩnh Hảo- Phan Thiết.