VOV4.M’nông – Tâm rơh rƀŭn mbơh ăp rơh bah N’gâng kan ƀư kêng măng 21/4, Nuĭh ntoh ngơi N’gâng kan tâm rnglăp nchră nău Lê Thị Thu Hằng an gĭt Thủ tướng Phạm Minh Chính mbra leo mpôl ntoh măt Việt Nam râng rƀŭn nchră gưl prêh Mỹ-ASEAN ta Washington tâm khay 5 tât. Di rơh aơ, Thủ tướng Phạm Minh Chính mbra khâl, pah kan ta Mỹ n’hanh Liên hợp quốc.

Thủ tướng Phạm Minh Chính

Jêh rlău 27 năm ndâk njêng tâm boh tâm rnglăp, tâm boh Việt Nam n’hanh Mỹ lĕ geh âk nău rgâl jong, tĭng nkô̆ nău geh nsum, tâm ryơk đăp mpăn ƀư tơm n’hanh uĕh lăng neh dak n’hanh trong ƀư chính trị nsum. Tĭng nkô̆ nău nĕ, Việt Nam ŭch n’hanh nchrăp kan ndrel đah n’gâng kan ƀon lan Tổng thống Mỹ Joe Biden gay ntrôl tâm boh 2 dak hun hao hăn jru tay, săk rnglăy n’hanh nâp nâl, yor đăp mpăn kan ndrel n’hanh hun hao bah nkual n’hanh lam ntŭr neh.

            Nŭih blang: Y Sưng Phê Ja