VOV4.M’nông – Kêng măng lơ 23/1, ta n’gor Vĩnh Long, Thủ tướng Chính phủ Phạm Minh Chính n’hanh Rnâng kan Ban Bí thư Võ Văn Thưởng lĕ tât mpoh nhang, an nkao ta nkual nkah ndrăy Kruanh Hội đồng Bộ trưởng Phạm Hùng n’hanh nkual nkah ndrăy Thủ tướng Chính phủ Võ Văn Kiệt. Thủ tướng ndrel mpôl pah kan lĕ an nkao, mpoh nhang, an du mnĭt nkah gĭt n’hâm soan Kruanh Hội đồng Bộ Trưởng Phạm Hùng n’hanh Thủ tướng Chính phủ Võ Văn Kiệt-2 hê nuĭh kon gĭt blău bah ƀon tơm Vĩnh Long lĕ geh âk n’hâm soan an nău kan rklaih đăp mpăn rnoi mpôl, ndâk njêng n’hanh mât njrăng neh dak. Di rơh aơ, Thủ tướng ndrel mpôl pah kan lĕ tât khâl n’hanh mbah rhơn Tết phung pah kan bah nkual công nghiệp Hòa Phú, nkuăl Long Hồ, n’gor Vĩnh Long; mbah rhơn Tết, an ndơ an ăp rnăk dơi kơl, rnăk ach o, ăp rnăk geh khuch hô yor srê Covid-19 n’hanh an rlău 100 mlâm jay an ăp rnăk jêr jŏt bah nkuăl Vũng Liêm n’hanh nkuăl Tam Bình.

Nuĭh rblang: Y Sưng Phê Ja