Dĭng nar lơ 4/5, ta ntŭk kan Chính phủ, jêh rnôk vơt ndrel tâm nchră ngăn, Thủ tướng Chính phủ Phạm Minh Chính ndrel Thủ tướng Đại công quốc Luxembourg Xavier Bettel râng nau ký ăp nau tâm boh ndrel tâm mâp báo chí gay mbơh nau tă geh bah bar Thủ tướng. Tâm nar tâm mâp báo chí, Thủ tướng Chính phủ Phạm Minh Chính mbơh, 2 rđau kan mhe geh nau tâm nchră ngăn, tâm rnơm, ndrel tâm nchră mbơh âk nau kan, tâm ban dơi bar ding ndrel âk ding.

Thủ tướng Xavier Bettel mbơh, Luxembourg mro kơl an ân Việt Nam n’ăp ma rnôk jêr ndrel rnôk nơih, hun hao, ŭch ndrel rnơm jêh ăp rnôk khâl aơ nau tam boh bar dak mra geh n’hao lơn du nhoat mhe, hăn lăp tâm nau ngăn, săk tam lơn. Thủ tướng Xavier Bettel mbơh, bar ding tâm ban nau rklaih nau kan tam ntur neh, tâm nê geh nau rdâng ndrel rêh ma rgâl mhe trôk nar. Tâm kêng măng 4/5, bar Thủ tướng hŏ khâl ntŭk Văn miếu-Quốc Tử Giám ndrel Bảo tàng Mỹ thuật Việt Nam./.