Tâm bôk nau kan hăn khâl gưl kan Ngih dak tât Việt Nam bah Tổng thống Hàn Quốc, kêng măng 23/6, ta Hà Nội, Thủ tướng Chính phủ Phạm Minh Chính ndrel Tổng thống Hàn Quốc Yoon Suk Yeol hŏ ndrel râng tâm nchră ntŭk kan tăch rgâl Việt Nam-Hàn Quốc. Tâm rnôk tâm nchră, 2 ding hŏ mbơh sŏng, tâm nuih n’hâm ndâk njêng, nkoch mbơh nau mĭn, nau kan mhe, ăp nau kan gay rgâl ntrong kan ntuh kơl, tăch rgâl bah Việt Nam, ntrŭt dăng tâm boh kan nsum văng sa, ntuh kơl đah 2 dak.

Thủ tướng Chính phủ Phạm Minh Chính rnê prêh ndrel lah ueh ăp nau nkoch mbơh sŏng, ngăn bah ăp ntŭk kan tăch rgâl bah Hàn Quốc mpeh nau kan tăch rgâl ta Việt Nam ndrel ton ntuh kơl tâm Việt Nam tâm ăp nau kan mhe. Aơ lah nau mpơl ân nau hăn nsum, tâm rnơm, tâm gĭt ndrel tâm kơl bah ăp ntŭk kan tăch rgâl Hàn Quốc đah Việt Nam tâm nuih n’hâm ndrel geh săk rnglăy, nsôih rlet nau jêr gay hun hao. Tâm rnôk lam ntur neh geh âk nau ntrơn rgâl, jêr rdâng, Việt Nam rnê ngăn nau râng kan bah ăp tơm ntuh kơl dak ba dih, ngăn lah ntŭk kan tăch rgâl bah Hàn Quốc./.