Nar 31/7, lah ta rnôk Tâm nchră pơk sŏng dăng lam dak an dăp rgum n’har neh gưl nkuâl, gưl xã, Thủ tướng Phạm Minh Chính hŏ nchŏng kloh 6 nău tă ơm gĭt nti. Tâm let năp tay, Thủ tướng đă rgum rđău đă du đêt nău dơn kan tơm tâm nê nchŏng kloh, rgum ƀư jăp pah kan nkoch trêng, njêng nău tâm ban ŭch âk mpeh nău gĭt êng, nău du nuih n’hâm dơn kan tâm ăp rơh kơn ƀon lan ta ntŭk, ân ƀư ăp tŏng rêng, ndê na nê̆, rgŏ jă, njêng nău dơn ngoăy tâm lam trong kan chính trị, nău ŭch du nuih n’hâm, nău ŭch tĭng bah ƀon lan.

Dăp rgum n’har neh đăp mpăn nkrum lam, ăp kôp, tĭng ƀư tĭng gâl, ăp gâl geh rgum  tơm, geh trong ƀư tâm di, lhăt jăp, geh nău tam; ntŭk dơh ri ƀư lor, ntŭk mô hŏ geh ăp tŏng ndơ ri tor gĭt lor trong nchrăp tâm di gay tĭng ƀư. Thủ tướng đă, dăp rgum n’har neh gưl nkuâl, gưl xã ân nkre đah rgâl mhe, dăp rgum tay nuĭh kan bah lam trong kan chính trị glêh, kan geh nău tam, đăng hăr; dăp rgum tay n’hanh n’hao săk tam rmôt cán bộ, công chức, viên chức; têh blău mhe trong mât siƀŭt kan, rdâk  njêng n’gâng kan mbrô, nău rêh mbrô./.