VOV4.M'nông: Thủ tướng Phạm Minh Chính mhe ký si ƀŭt njuăl ngăch mpeh nău ntrŭt ntrôl ăp n'gâng kan, ăp n'gor tĭng ƀư jăch ndăn dâk hao tay wăng sa-rêh jêng kon nuĭh. Si ƀŭt njuăl nchih kloh: Gay đăp mpăn an ƀư lĕ n'hâm suan, ăp kôp, mât uĕh nău tam bah bôk nău kan dâk hao tay n'hanh hun hao wăng sa- rêh jêng kon nuĭh, Thủ tướng Chính phủ hŏ đă ăp n'gâng kan, ăp n'gor an ƀư lĕ n'hâm suan, geh nău tam lơn đŏng ăp nău kan, trong nkra ndơ̆ luh ta Nghị quyết mbrô 11 bah Chính phủ. Tâm bah ri aơ, ăp Nhih pah kan, ăp n'gor hŏ nsrôih an tĭng ƀư ăp nău kan, trong nkra ndơ̆ luh ta Nghị quyết mbrô 11 bah chính phủ. Yơn lah rnoh ngăch tĭng ƀư nău kan tât aƀaơ hôm mbrơi, lơn lah nău an dŏng ăp si ƀŭt ntĭm nti tĭng ƀư, khuch tât nău tĭng ƀư ăp rnoh tât kan, trong nkra ndơ̆ luh ta bôk nău kan. Thủ tướng Chính phủ đă Bộ Kế hoạch n'hanh Đầu tư, Bộ Giáo dục n'hanh Đào tạo n'hanh ăp Bộ, nhih pah kan mbrơi ƀư lôch jêh ăp nău kan dơi jao tâm khay 3/2022 rhuăt luh nău tă ơm gĭt kan, mô dơi an ƀư mbrơi tay./.

Nuĭh rblang: Điểu Thân