VOV4.M'nông: Ôi 18/4, Thủ tướng Chính phủ Phạm Minh Chính hŏ hăn khâl, rgŏ jă, huấn luyện viên n'hanh ôp uănh hăn pah kan ƀư SEA Games 31 ta Trung tâm Huấn luyện thể thao quốc gia Hà Nội n'hanh Cung tâm rlong nchuăt trôm jay Mỹ Đình, Sân vận động Quốc gia Mỹ Đình. Nsum mpôl cán bộ, huấn luyện viên, nuĭh tâm rlong Trung tâm mbra nsrôih tâm rlong nsĭt geh nău dơi âk rlău 100 huy chương ta SEA Games rơh dja.

Ta rơh mâp măt, Thủ tướng Phạm Minh Chính mpŏng ăp nuĭh tâm rlong, nuĭh tiăr nti, ăp rmôt tâm rlong gưl neh dak mpôl thể thao Việt Nam mât nâp nău tâm rnglăp, dơn ngoăy, mât uĕh ăp nău dơi hŏ geh, nău dơi rlău ăp rơh, nsrôih rlău ăp nău jêr jŏt, ntul rlong, nsrôih tiăr nti lĕ mpeh nuih n'hâm, drăp ndơ, rnâng kan nchrăp gay geh nău dơi dŭt uĕh, dŭt âk ta SEA Games 31. Thủ tướng lah rjăp: SEA Games 31 lah rnôk n'hanh ndơ dơh gay mpôl thể thao Việt Nam mpơl han săk, suan dăng, nsĭt geh nău dơi dŭt âk lam mpôl. Aơ lah rnôk dak he rhơn n'hao êng săk nkoch n'hơ, rup gui kon nuĭh Việt Nam đah năch dak bah dih./.

Nuĭh rblang: Điểu Thân