Ôi 16/7, Thủ tướng Chính phủ Phạm Minh Chính lĕ geh nar pah kan đah Ban thường vụ N’gor ủy Bắc Kan. N’glôn jêh nar pah kan, Thủ tướng Phạm Minh Chính rnê ăp nău nsrôih n’hanh săk rnglăy dơi geh bah Đảng bộ, n’gâng kan ƀon lan, tahen n’hanh ƀon lan n’gor Bắc Kạn, rgop khlay tâm nău geh nsum bah lam dak. Tâm năm tât Thủ tướng đă, N’gor Bắc Kạn ƀư tĭng rjăp, săk rnglăy Nghị quyết Đại hội 13 bah Đảng, Nghị quyết Đại hội Đảng bộ N’gor; Tĭng nău ngăn, an nsrôih âk, ƀư dŭt n’hâm, săk rnglăy.

Ntŭk geh âk rnoi mpôl đêt gŭ rêh, ntuh kơl an hun hao ntung trong ngih wâl, rhŏ an pâl nđaih hăn ndrel đah đăp mpăn rnă njrăng, đăp mpăn nău rêh jêng kon nuĭh n’hanh mô rlu rgâl nău rêh bah ƀon lan. Hun hao hăn ndrel đah tâm ban n’hanh rgâl hao nău rêh. Thủ tướng lah rjăp, n’gor an ƀư uĕh trong kan dăp rgum n’hanh hun hao uĕh ntung trong, uănh aơ lah nău kan chính trị khlay n’hanh kơl lor bah n’gor. Ndăn lôch jêh n’hanh mbơh uănh an dăp rgum n’gor năm 2021-2030, uănh tât năm 2050.