Kêng măng 30/7, Thủ tướng Phạm Minh Chính n’hanh mpôl pah kan bah Chính phủ pah kan đah Ban Chấp hành Đảng bộ N’gor Bắc Ninh gay uănh lah nu nău, săk rnglăy hun hao wăng sa rêh jêng ta ntŭk. Tâm 7 khay bôk năm 2023, nu naư wăng sa rêh jêng n’gor Bắc Ninh geh âk săk rnglăy, nkra njêng geh nău rdâk hao, dĭng lĕ tăch chrai ndơ n’hanh tăch rgâl geh 54 rbăn rmen prăk, prăk ntuh kơl tât dak bah dih dăn râng mhe geh 770 rkeh đôlar, hao bơi 4,6 tơ̆ nkôp đah rơh aơ.

Thủ tướng Phạm Minh Chính rnê nău nsrôih n’hanh săk rnglăy dơi geh bah Đảng bộ, n’gâng kan, tahen n’hanh ƀon lan n’gor Bắc Ninh, rgop khlay tâm nău geh nsum bah neh dak. Tâm năm tât Thủ tướng đă, N’gor Bắc Ninh ntrŭt nsrôih rgâl mĭn ƀư mhe, rdâk njêng nău kan, hun hao doanh nghiệp. Ntrôl nău ƀư tăch n’gluh; uănh khlay hun hao lŏ mir kơt dŏng công nghệ mhe, rgâl nău mĭn nkra njêng lŏ mir an wăng sa lŏ mir, hun hao ntŭk tăch ndơ lŏ mir tâm n’hanh bah dih dak. N’gor an mât uĕh nău dăng way ơm lịch sử cách mạng, văn hóa, tâm rnglăp, hao dăng đah soan êng nơm, mô kâp, knơm, rgop ndâk njêng jâng wăng sa đăp mpăn, mĭn êng.