Kêng măng 25/7, Thủ tướng Phạm Minh Chính n’hanh Mpôl pah kan bah Chính phủ lĕ pah kan đah Ban Thường vụ N’gor ủy Long An mpeh nu nău hun hao wăng sa-rêh jêng. Tĭng nău mbơh, 6 khay bôk năm 2023 nu nău săk rnglăy hun hao wăng sa-rêh jêng bah n’gor dơi geh du đêt săk rnglăy têh, dĭng lĕ ndơ ta n’gor hao 3,43%. Dăp rgâl wăng sa rgâl dŭt uĕh.

N’glôn jêh nar pah kan, Thủ tướng Phạm Minh Chính rnê nău nsrôih n’hanh uănh lah prêh săk rnglăy ma Đảng bộ, N’gâng kan n’hanh nuĭh ƀon lan Long An dơi geh ƀư tĭng nău kan hun hao wăng sa rêh jêng năm bah năp. Mpeh nchrŏng trong hun hao bah Long An Thủ tướng ntĭm kloh, Long An an ƀư săk rnglăy nău kan khlay gay geh nău hun hao mhe, nâp nâl, n’hao jâng nsan Long An tĭng tâm ăp n’gâng tơm lah Lŏ mir sinh thái lah khlay; Công nghiệp uĕh nđĭr, công nghệ mhe, nkret njêng ê nkra, ŭnh nar rgâl mhe; tăch rgâl ntop hao, ndơ̆ Long An jêng ntŭk njŭn ndơ tâm nkual. Nkre ê nkra săk rnglăy ăp ndơ geh, nău dơh; boăt nthoi săk rnglăy đah ntŭk wăng sa nkual ƀon têh Hồ Chí Minh n’hanh nkual Đông Nam Bộ; ê nkra uĕh nău dơh ntŭk boăt nthoi đah Campuchia.