VOV4.M'nông: Ôi 31/8 Thủ tướng Chính phủ Phạm Minh Chính ndrel mpôl pah kan Chính phủ hŏ geh rơh pah kan đah kruanh n'gor Bình Thuận. Mbơh ta rơh pah kan, kruanh n'gor Bình Thuận hŏ nchŏng luh ăp nău mha êng, trong dơh ntoh lư, jêr jŏt ntul rlong n'hanh ăp nchiăng khan kơt: du đêt ntil bah n'gor hun hao mbrơi, mô hŏ tâm di nâp dăng; dăp rgum tay wăng sa bah n'gor n'hanh tâm trôm tĭng n'gâng kan, trong kan mô hŏ di đah nău ŭch geh.

Tâm rgop nkual hôm đêt. Buăt nthoi ntung trong ndơ dŏng ntuh kơl mô hŏ ăp kôp. Ngăch ƀư rdâk njêng ăp nkual, rkŭm công nghiệp hôm mbrơi; nău wăch rgum ăp trong nchrăp ntuh kơl gưl bah kơi hôm đêt…n'gor Bình Thuận dôl dăn đă tât Chính phủ, Thủ tướng Chính phủ mpeh ndơ dŏng ntung trong tâm ban kơt nkra pơk, têh hvi tay trong Quốc lộ 28; nkra pơk, têh hvi trong Quốc lộ 55; njêng Nkual công nghệ cao n'hanh Nkual wăng sa meng dak lêng; n'hao rnoh âk ŭnh nar sĭt jêng tay, điện sial nklang dak lêng n'hanh ntuh kơl hun hao ŭnh nar điện.

Nuĭh rblang: Điểu Thân