VOV4.M’nông-  Kêng măng nar 26/6, Thủ tướng Phạm Minh Chính n’hanh mpôl pah kan bâh chính phủ lĕ geh rơh pah kan đah nuĭh leo kan tơm ta nkuăl ƀon têh Đà Nẵng. Thủ tướng kơp dơn, uănh rnê n’hanh rnê nău nsrôih n’hanh ăp nău geh kan têh khlăy ma Đảng bộ, n’gâng kan, tahen n’hanh ƀon lan nkuăl ƀon têh Đà Nẵng lĕ dơi geh, ntop khlay ta nău dơi nsum bâh lam dak, ngăn lah tâm nău kan njrăng, rdâng đah nuh srê n’hanh ndâk nsơm, hun hao wăng sa rêh jêng.

Thủ tướng Phạm Minh Chính pah kan đah nuĭh leo kan tơm nkuăl ƀon têh Đà Nẵng.

Tâm let năp tay, Thủ tướng đă, nkuăl ƀon têh Đà Nẵng an geh mât đăp mpăn tay nuĭh kan n’hanh năp ăp ntil ndơ, ndơ dŏng dak si gay ma ƀư lôch ueh nău kan dak si ta ntŭk, chuh vacxin an oh kon se ba dâng 5 năm deh đăp mpăn tâm di khoa học geh săk rnglăy. Leo ƀư tĭng n’hanh hun hao nkuăl ƀon têh Đà Nẵng tât năm 2030 n’hanh Nghị quyết mbrô 119/2020/QH 14 bâh Quốc hội mpeh rlong leo ƀư nău kan n’gâng kan nkuăl ƀon têh n’hanh du đê̆ nău kan, kơl an tâm di gay ma njêng nău nsrôih hun hao mhe.

Nuĭh rblang: Thị Đoắt