VOV4.M’nông: Kêng măng 20/3, lŏ rơh hăn khâl, pah kan ta n’gor Bình Phước, Thủ tướng Chính phủ Phạm Minh Chính ndrel rmôt hăn kan bah Chính phủ hŏ pah kan đah Rnâng kan N’gor uỷ Bình Phước mpeh nau kan hun hao văng sa rêh jêng 2021, 2 khay năm 2022, nchrăp, ntrong kan mpeh nau hun hao văng sa rêh jêng năm 2022 ndrel ăp năm ba kơi. Ntoh nau tâm nar rƀŭn pah kan, rơh tât, Thủ tướng Phạm Minh Chính đă Rđau kan tơm UBND n’gor Bình Phước ƀư ueh nau kan nsôih êng, rlet rlau jêng tă bah mpang ty, bôk rngok bah nơm, đah ăp trong n’hao nau dŏng, têm nkrem ndrel rgum âk tu tơm ân nau ntuh kơl hun hao. 

Ân geh năl nau kan tơm, der nau ntuh kơl jŏ jong, rdâng nau tât khuch bah nau sa khâm mpŭng lir. Mpeh nau kan ngăn, Thủ tướng đă ƀư nau săk tam bôk nau kan “Tŏng dơi nau đăp mpăn, ngăch, nâp nau nkân njrăng srê Covid-19”, ƀư ân ueh Bôk nau kan ndâk njêng ndrel hun hao văng sa rêh jêng. Lŏ ƀư ntrŭnh ân ueh, ngăn nau ntrŭnh Đại hội XIII bah Đảng, ntrŭnh ƀư ân ueh nau săk tam bah nkô̆ nau kan Nau ntrŭnh Đại hội Đảng bộ n’gor tal XI Đah nkô̆ nau tơm mpeh nau kan: gung trong, rgâl mhe nau kan hành chính ndrel hun hao nŭih ƀư nau kan”./.

Nŭih rblang: H’Thi