Ndơn kan an chính phủ, Thủ tướng Phạm Minh Chính rnê ăp nău nsrôih n’hanh nău dơi geh bâh Đảng bộ, n’gâng kan, tahen n’hanh ƀon lan n’gor Điện Biên tâm rnôk ba năp nơh, ntop ta nău dơi geh nsum bâh lam dak.

Tâm let năp tay, Thủ tướng đă, n’gor an geh mât uănh, mbơh tơih ƀư tĭng săk rnglăy Nghị quyết Đại hội 13 bâh Đảng, Nghị quyết bâh n’gâng kan chính trị n’hanh Nghị quyết đại hội đảng bộ n’gor tal 14. Hun hao nău mĭn kan, nău nsrôih. Rgum rdâk njêng, n’hao an săk rnglăy nkual kan wăng sa bâh n’gor, rgâl kan an tâm di. Rgum rdâk njêng geh săk rnglăy nkual wăng sa tơm bâh n’gor, rgâl kan tâm di ăp trong kan n’gâng kan wăng sa, an lor hun hao tuch tăm, tăm bri, pâl nđaih,dak bât ƀư điện, ndơ trôm neh, công nghiệp nkret njêng n’hanh wăng sa mpông n’har bri. Mât rbăy n’hanh n’hao ăp nău khlăy văn hóa way ơm, ntoh lư bâh ăp mpôl rnoi n’hanh kon nuĭh Điện Biên ,mât nâp rnă njrăng, đăp mpăn ngih dak.