VOV4.M'nông: Nar 16/3, Thủ tướng Phạm Minh Chính pah kan đah Tập đoàn Dầu khí Quốc gia Việt Nam (PVN) mpeh nô nău kan năm 2021, 2 khay bôk năm 2022 n'hanh trong nchrăp năm 2022. Lah n'glôch jêh rơh hop, Thủ tướng Phạm Minh Chính lah rjăp Chính phủ, Thủ tướng Chính phủ rlău ăp rơh dŭt uănh khlay tât PVN gay tập đoàn hun hao đăp mpăn n'hanh nar lơn ma nsĭt geh. Thủ tướng tâm ban ŭch đah ăp nău dăn đă bah PVN ta rơh pah kan. Tâm nê, geh ăp nkô̆ nău  hŏ n'hanh dôl dơi nkra.

Đah ăp nkô̆ nău hŏ dơi gưl geh nău dơi kan an trong nchrăp nkra, ri PVN ân tâm rgop kan nsum lhăt đah ăp n'gâng kan, nhih pah kan nkra dŭt bah tĭng trong hăn na nê̆. Thủ tướng dăn đă kruanh rđău kan PVN rgŏ jă cán bộ, công nhân viên chức, nuĭh kan tâm rnglăp tay, tâm ban ŭch, nsrôih, rlău dơi jêr jŏt, ntul rlong, ndrel Đảng, Ngih dak n'hanh Ƀon lan nkra nkô̆ nău dŭt khlay lah đăp mpăn tâm ban geh ŭnh nar lĕ ma ta năp măt n'hanh jŏ jong, rgop rdâk njêng jâng wăng sa nsrôih ndôr êng./.

Nuĭh rblang: Điểu Thân