Tĭng nău mbơh, 3 khay năm aơ, nu nău wăng sa rêh jêng n’gor Thừa Thiên Huế geh âk nău uĕh ang, tâm nĕ dĭng lĕ prăk ntuh kơl lam nău rêh jêng geh nklăp 5 rbăn rmen prăk, hao rlău 9% nkôp đah rơh aơ. Sŏk an tơm prăk ngih dak hao 3,5%. Thủ tướng Phạm Minh Chính rnê nău nsrôih n’hanh săk rnglăy dơi geh bah Đảng bộ, n’gâng kan ƀon lan, tahen n’hanh ƀon lan n’gor Thừa Thiên Huế, rgop khlay an nău geh nsum bah lam dak.

Khay tât Thủ tướng đă, mât uănh, mbơh ƀư săk rnglăy Nghị quyết Đại hội 13 bah Đảng, Nghị quyết Đại hội Đảng bộ n’gor. Lah ntŭk geh âk nău dơi hun hao, ngăn lah mpeh wăng sa dak lêng, pâl nđaih văn hóa lịch sử-sinh thái, n’gor an uănh khlay hun hao wăng sa-văn hóa-rêh jêng n’hanh mât njrăng ntŭk ntô sinh thái hăn ndrel đăp mpăn mât njrăng bri dak, rnă njrăng; uănh khlay trong kan ndâk njêng Đảng n’hanh ndâk njêng trong ngih pah kan hành chính tâm rnglăp, tâm ban ŭch, kloh rah wah, ƀon lan ƀư tơm, săk rnglăy.