Nkhêp geh nkah ndray 75 năm Nar Kruanh Hồ Chí Minh luh nău Kuăl jă tâm rlong rŏng dak (11/6); Tĭng khay kan njrăng,  n’gang ma túy đah nkô̆ “Njrăng, n’gang ma túy lĕ nuih n’hâm, geh nău tam, n’hao nău dơn kan, lor nchrăp kan nsum- Yor du nău rêh mô geh ma túy”, măng ntri (14/6) Bộ Công an – Nhih pah kan rnâng kan mpeh njrăng n’gang ma túy khuh n’gôr ƀư bôk nău kan nđơr geh đăp mpăn- Mpư rnê nsum mpôl, êng nuĭh ntoh lư".

Ta rơh lễ ban tổ chức hŏ mpư rnê ăp nău dơi, ngăch prăl bah ăp mpôl kan, lơn lah 140 nuĭh ntoh lư dơi mpư rnê. Lah ta rơh lễ, Thủ tướng Chính phủ Phạm Minh Chính lah rjăp, aơ lah rnôk gay nkah gĭt ăp tahen hŏ han săk n’groh săk n’hanh mpư rnê ăp nuĭh ntoh lư, leo lor trong kloh ang tâm rơh rdâng lơh mô rong an dơm yor du nău rêh mô hôm geh ma túy; bah nê rêng nău nđơr mpeh nuih n’hâm dơn kan, nău mĭn han dăng n’hanh n’glăp săk yor ma nău rêh nsum mpôl gay tĭng ƀư nău mĭn “Yor an neh dak chuêl săk, yor an ƀon lan rhŏ dŏng”./.