VOV4.M’nông –  Ôi 21/4, Tổng cục Soay Việt Nam ƀư mbơh trong sam ƀŭt prăk điện tử lam dak. Tât râng n’hanh ntoh ngơi ta nar ƀư, Thủ tướng Chính phủ Phạm Minh Chính đă, Nău kan soay an n’hao kơt dŏng công nghệ mhe mât uănh, đăp mpăn nău nchih mbơh soay ndơ̆ prăk điện tử dơh n’hanh nơih ngăn; nsrôih tât năm 2022, lĕ rngôch sam ƀŭt sam tra hành chính tâm nău soay dơi ƀư đah trong điện tử boăt nthoi đah Cổng dịch vụ nsum lam dak.

Thủ tướng Chính phủ râng Ƀư mbơh trong sam ƀŭt prăk điện tử lam dak

Thủ tướng Phạm Minh Chính an lah, rgâl mrô lah trong ƀư khlay, dôl geh dŭt têh dăng, jru hvi ta lam dak n’hanh lam ntŭr neh. Đảng, ngih dak he dŭt uănh khlay n’hanh uănh aơ lah ngoăy tâm âk nău kan khlay bôk năp. Thủ tướng đă, tâm lvang tât, nău kan soay an an mât rjăp nău mĭn nơm tay, nău rƀŏng lah ndâk njêng trong kơl soay tâm ban, tâm ban ŭch, kloh rah wah, săk rnglăy, geh nău đăp mpăn têh.

Nŭih blang: Y Sưng Phê Ja