VOV4.M'nông: Măng 20/1, ta Hà Nội, Thủ tướng Phạm Minh Chính râng Lễ nkhôm rnê Khoa học, Công nghệ lam ntŭr neh VinFuture (VinFuture Prize) lor bôk năp. Lễ nkhôm rnê VinFuture rgum âk săk nuĭh ntoh lư lam ntŭr neh n'hanh mbơh ăp blău mĭn njêng mhe geh ring tam tât hang rkeh nuĭh mbra ndơ̆ Việt Nam jêng ntŭk rgum bah mpôl kan khoa học, wăch rgum nău uănh khlay bah lam ntŭr neh đah Việt Nam. Nău kan rgop năl mpơl Việt Nam lah ntŭk tât mhe bah khoa học công nghệ lam ntŭr neh. Nkre nta trong dơh buăt nthoi, njêng trong tâm boh na nê̆, âk ding đah ăp nuĭh khoa học bah dih n'hanh Việt Nam. Ntơm bah rơh tâm rlong lor bôk năp, VinFuture hŏ wăch rgum âk nău uănh khlay bah ăp nuĭh khoa học lam ntŭr neh đah rlău 1.200 đăng ký tât bah 654 nhih nti đại học dâk bôk năp, 51 viện gŭ mĭn ntoh lư, 42 viện hàn lâm khoa học gưl neh dak nsing nơm lam ntŭr neh. Ndơ nkhôm rnê hŏ dơn geh 599 trong nchrăp tâm rlong./.

Nuĭh rblang: Điểu Thân