VOV4.M’nông: Di nkah 92 năm nar ndâk Đảng cộng sản Việt Nam, rhơn Đảng, rhơn năm mhe, rhơn neh dak ndrel ndơn năm mhe Nhâm Dần 2022, măng 21/1, Rnâng kan ƀư nau kan Trung ương ƀư nau mbơh ndrel pă nkhôm Giải báo chí lam dak mpeh nau ndâk njêng Đảng geh ntơ Búa liềm vàng tal 6. Thủ tướng Phạm Minh Chính tât râng ndrel pă nkhôm. Ntoh nau tâm nar rgum, Rnâng kan Ban Bí thư Võ Văn Thưởng kơp dơn ndrel rnê prêh nau rgop têh ngăn bah báo chí lam dak đah nau kan ndâk njêng, rgâl nâp Đảng tâm rơh rlau aơ.

Rhơn ăp nau nsôih bah Rnâng kan rđau kan, Rnâng kan ƀư nau nkhôm Búa liềm vàng tal 6 ndrel rhơn ăp nŭih geh nkhôm. Rnâng kan Ban bí thư lah rjăp, ăp nau nchih mpeh báo chí mpeh nau ndâk njêng Đảng hŏ rgop nau kơl an ân âk mpưm ƀon lan tâm ndrel ba dih dak, băl bên lam ntur neh gay ma gĭt kloh lơn mpeh Đảng nơm ndrel nau kan ndâk njêng Đảng, rgâl nâp Đảng mpeh ăp nau geh jêng bah neh dak tă dơi geh tâm nâm nau rđau kan bah Đảng./.

Nŭih rblang: H’Thi