Ôi 31/3 ta Hà Nội, Thủ tướng Chính phủ Phạm Minh Chính râng nkah ndray 60 năm njêng Vietcombank n'hanh wơt dơn săk ntơ Anh hùng Lao động. Lah ta rơh lễ, ndrel đah tĭng ƀư ăp rnoh tât kan ta năp măt, Thủ tướng Phạm Minh Chính đă, Vietcombank ân ntrŏng năl kloh rnoh tât kan, trong rƀŏng n'hanh nău dơn kan, trong nkra hun hao jŏ jong tâm di đah trong nchrăp hun hao bah n'gâng kan Ngân hàng tât năm 2025, rƀŏng tât 2030 n'hanh trong rƀŏng hun hao nsum bah ăp ngân hàng tâm nkual n'hanh lam ntŭr neh, lơn lah nău n'hao dăng mât kan, prăk kaih, nsĭt geh tăch rgâl, rgâl mbrô n'hanh têh dăng mhe công nghệ ngân hàng. 

Thủ tướng ŭch rŏng n'hanh nsing nơm an lah, Vietcombank mbra mât uĕh tay nău way ơm uĕh lăng n'hanh ăp nău dơi hŏ geh, nsrôih rlău jêr jŏt, ntul rlong; rgâl mhe tay lam lĕ rngôch, n'hao nău dơi tam kan, suan dăng tâm rlong, mât n'hanh rdâk tay ntŭk gŭ kan Ngân hàng dâk bôk năp ta Việt Nam n'hanh tĭng kơn nâp nsan hao tât nkual n'hanh lam ntŭr neh.