Ôi lơ 19/12, ta Hà Nội, Đảng uỷ Công an Trung ương, N’gâng kan Công an ƀư rơh rƀŭn Công an lam dak tal 78 gay ma nchră nau kan, nau tă dơi bah nau kan công an năm 2022. Thủ tướng Phạm Minh Chính râng ndrel ntoh nau tâm nar rƀŭn. Ntoh măt rđau kan Đảng, Ngih dak, Thủ tướng Chính phủ Phạm Minh Chính kơp dơn, rnê prêh ăp nau nsôih, nau tă dơi, nau tă geh, nau rgop têh bah rmôt kan Công an ƀon lan đah nau geh jêng bah neh dak tâm năm 2022.

Rơh tât, Thủ tướng Chính phủ Phạm Minh Chính đă rmôt Công an ƀon lan lŏ gĭt, nchră, uănh, mbơh ân tâm dăch, tâm di nau kan, nsôih, nchrăp kơl nchră nau, đă đah Đảng, Ngih dak ăp nau ntrŭnh, ntrong kan đăp mpăn rnă njrăng neh dak, mât đăp mpăn nau rêh, n’hao nau mât đăp mpăn neh dak, njrăng tă bah ơm, tă bah ngai nau ƀư khuch tât nau đăp mpăn bah neh dak, rdâng ngăch đah ăp nau nkri nau đăp mpăn tât mhe, ntrŭt dăng lơi nau roh đăp mpăn luh bah nkuăl n’har bri bah neh dak./.