Ôi lơ 6/1, Thủ tướng Phạm Minh Chính râng rƀŭn lôch nau kan năm 2024 ndrel nau rƀŏng, ntrong kan năm 2025 bah N’gâng kan nchră nau. Tĭng nau mbơh, năm 2024, n’gâng kan nchră nau hŏ geh âk nau dơi khlay, rgop nau mât ntŭk ntu đăp mpăn, nâp nâl ndrel tâm boh ân hun hao; lŏ ƀư nâp nau kan tâm nchră, leo tâm boh hăn tâm nau jru, ngăn, săk tam. Thủ tướng Phạm Minh Chính kơp dơn, rnê ndrel rhơn n’gâng kan nchră nau ndrel ăp ntŭk kan ntoh măt Việt Nam tâm dak ba dih hŏ tâm rgop ngăn đah ăp n’gâng kan, ntŭk kan, nkuăl, ntŭk kan tăch rgâl ntrŭnh ƀư ngăn, năn, săk tam bah ăp nau kan tâm nchră, rgop nau tâm nau nsum bah neh dak năm 2024.

Thủ tướng đă lam ntŭk kan nchră nau ân lŏ n’hao tâm rgop, ntrŭnh ƀư ân tâm ban, blau mhe, săk tam ăp nau kan tâm nchră bah Đảng, Ngih dak ndrel tâm nchră ƀon lan, tâm nchră ăp gưl, ndâk nau tâm nchră ueh mhe ndrel blau; ndâk Đảng ân kloh, nâp; n’hao nau dơi rđau kan ndrel n’hâm tâm lơh bah ăp ntŭk kan đảng, đảng viên tâm ntŭk kan Nchră nau./.