Di rnôk râng rơh rƀŭn gưl prêh rmôt ăp dak công nghiệp hun hao (G7) pơk hvi ndrel pah kan ta Nhật Bản, kêng măng 19/5, ta Hiroshima, Thủ tướng Chính phủ Phạm Minh Chính hŏ râng nar mbơh trong mpăr sŏng bôk năp đah Việt Nam ndrel Hirosima ndrel lah trong mpăr tal 8 nthoi bar dak bah trong ndeh mpăr Vietjet. Trong mpar Hà Nội-Hirosima ntơm rdeng năch ntơm lơ 19/7/2023 đah 2 tŏ mpar plŏ sĭt tâm du pơh tâm ăp nar pe ndrel nar pơh.

Kơt ri, rnôk aơ Vietjet geh ăp trong mpăr tă bah Hà Nội, nkual ƀon têh Hồ Chí Minh tât Tokyo, Osaka, Nagoya, Gukuoka ndrel âk rơh mpăr tât Niigata, Shizuoka, Fukushima. Tĭng nê, Vietjet n’hao ăp rơh mpăr Việt Nam-Nhật Bản hao 58 rơh mpăr plŏ sĭt pơh. Đah ăp ntrong mpăr sŏng mhe bah Vietjet, ŭch lah nau kan tâm boh đah Hiroshima ndrel Việt Nam mra geh nau ueh lơn tâm ăp nau kan, geh nau kan tăch rgâl ndrel pâl n’aih./.