Ủy hội dak me Mê Công lam ntŭr neh geh 4 dak lah Campuchia, Lào, Thái Lan n’hanh Việt Nam; trong ƀư kan ndrel Mê Công jŏ ngăn n’hanh trong ƀư geh dŏng tĭng tâm du tâm ton lam ntŭr neh gay an kan ndrel hun hao nâp nâl, dŏng, mât njrăng n’hanh mât uănh bri dak n’hanh ăp ndơ geh tât bah nkual. Aơ lah rƀŭn nchră nkual khlay gay ntrôl kan ndrel đăp mpăn n’hanh ndrel geh gay hun hao nâp nâl nkual Mê Công.

Rƀŭn nchră gưl prêh bah Ủy hội dak me Mê Công geh nkô̆ nău “Rgâl mhe n’hanh kan ndrel gay đăp mpăn rnă njrăng tu dak n’hanh hun hao nâp nâl bah nkual dak me Mê Công”. Aơ lah du nău ƀư dŭt khlay, an geh nău kan ndrel Mê Công dơi ton n’hanh kơl têh bah gưl prêh ngăn bah Chính phủ ăp dak n’hanh dak tâm Ủy hội, n’hanh ăp dĭng geh tât nău hun hao nâp nâl bah nkual dak me Mê Công. Ta rƀŭn nchră, ăp Thủ tướng tâm nchră mpeh ăp jêr jŏt, ntŭl rlong kơt ăp nău geh đah hun hao bah nkual Mê Công n’hanh mbra mbơh an nău mbơh nsum bah Rƀŭn nchră-Mbơh Viêng Chăn.