Kêng măng (22/9), ta n’gor Bắc Ninh, Thủ tướng Chính phủ Phạm Minh Chính râng rƀŭn nchră mbơh Dăp rgum rnôk năm 2021-2030, uănh tât năm 2050 n’hanh ntrŭt ngăch ntuh kơl n’gor Bắc Ninh. Ta rƀŭn nchră, Thủ tướng Phạm Minh Chính ndrel kruanh ăp n’gâng kan nău kan lĕ uănh ƀư jao an nău ntrŭnh ntuh kơl, Sam ƀŭt kơp dơn dăn ntuh kơl, Sam ƀŭt nkah git, tâm ton nău way an ăp nău nchrăp ƀư ntuh kơl dăp rgum têh ta n’gor.

Gay dơi geh ăp nău rƀŏng n’gluh an ta Dăp rgum, Thủ tướng đă Đảng bộ, n’gâng kan n’hanh nuĭh ƀon lan n’gor Bắc Ninh nsrôih mbơh ƀư mrô 3 nău kan khlay, 06 rgâl hun hao lĕ dơi năl tâm dăp rgum, ngăn lah rgum prăk ntuh kơl an nău kan công nghiệp n’hanh nău rhŏ, uănh khlay hun hao ăp nău kan công nghiệp dơi geh, rgâl n’hanh wăch rgum ntuh kơl lăp rmôt kan kan mhe. Mpeh wăch rgum ntuh kơl, Thủ tướng uănh lah prêh n’hanh rnê ăp doanh nghiệp, nuĭh ntuh kơl lĕ săch n’gor Bắc Ninh gay ntuh kơl; nsing nơm ăp nău nchrăp ƀư mbra ƀư lôch uĕh.