VOV4.M’nông: Măng 27/3, Thủ tướng Chính phủ Phạm Minh Chính râng nkah 30 năm ndâk tay n’gor Sóc Trăng (khay 4/1992-4/2022) ndrel ndơn Huân chương Hồ Chí Minh, mbơh nkuăl ƀon têh Sóc Trăng jêng đô thị loại II tâm n’gor Sóc Trăng. Ntoh nau tâm nar nkah Thủ tướng Phạm Minh Chính lah rjăp, jêh 30 năm ndâk njêng ndrel hun hao, Sóc Trăng ân geh uănh kloh ăp nau kan geh dơi êng, nau dơi ntoh lư, nau dăng ntul rlong gay rgâl mhe, hun hao ngăch, nâp nâl đah nuih n’hâm nsing tâm nau dơi ntrŭnh, ƀư kan, jŏ jong ndrel tu tơm tă bah dih lah nau khlay.

Thủ tướng đă, Sóc Trăng ân lŏ mât, ƀư nâp ndrel bun dăp đah nau tâm rnglăp tâm ban tâm Đảng bộ, n’gâng kan, n’hao n’hâm dăng tâm rnglăp đah ăp rnoi mpôl. Rgum ntrŭnh ƀư ân geh săk tam ăp nau ntrŭnh bah Quốc hội, Chính phủ mpeh nau njrăng, rdâng srê Covid-19 ndrel ndâk, hun hao văng sa, rêh jêng, ƀư jêh ơm nau chuh vắc xin tal 3 ân nŭih ntơm 18 năm hao gŏ lơ, ân kon se ntơm 5 năm tât tâm dâng 12 năm tâm 6 khay bôk năm 2022./.

Nŭih rblang: H’Thi