Kêng măng 18/8, ta Hà Nội, Thủ tướng Phạm Minh Chính râng rƀŭn trực tuyến lôch năm nti 2021-2022 ndrel nchrăp năm nti mhe 2023-2024. Ntoh nau tâm nar rƀŭn, Thủ tướng rnê prêh ăp nau tă dơi khlay tă geh dơi bah n’gâng kan ntĭm nti tâm năm nti 2022-2023, ntoh nau nsôih, nau kan bah lam ntrong kan.

Mpeh nau kan tơm tâm năm nti mhe, Thủ tướng đă ăp n’gâng kan, ntŭk kan, nkuăl ân geh kơp, nkra, ntrơn ntop ân năn nau kan, nau ntrŭnh, ƀư jêh ntrong kan pháp lý nơih gay ƀư nau ntrơn rgâl mhe ntĭm nti, n’hao nau dơi, nau tam bah nau mât ngih dak mpeh nau kan ntĭm nti.

Ngăn lah Thủ tướng đă, ƀư ueh nau kan lôch 10 năm ƀư nau ntrŭnh mrô 29 bah Trung ương mhe nau kan ntĭm nti ăp ntil, lŏ mĭn, ƀư jêh, hun hao Bôk nau kan ntĭm nti phổ thông 2018 ân tâm di ma nau kan, nau đă, Ndâk, ntop, nkra ăp nau ntrŭnh, nau kơl an đah nai ntĭm kon se ân tâm di, n’hao nau nkoch mbơh npeh nau ntrŭnh, ntrong kan rgâl mhe ntĭm nti, njêng nau tâm ban nuih n’hâm bah ƀon lan./.