Ôi lơ 18/5, ta Hà nộ, n’gâng kan mât rnă njrăng ngih dak ƀư rơh lễ pă ndơ nkhôm rnê mom ndăm mĭn kan tal 23. Đồng chí Phạm Minh Chính, Ủy viên Bộ chính trị, Thủ tướng Chính phủ râng n’hanh ntoh ngơi ntĭm leo ta rơh pă nkhôm.

Ndơn kan an nuĭh leo kan Đảng, ngih dak, Thủ tướng Chính phủ Phạm Minh Chính dŭt rhơn, rnê nău nsrôih n’hanh nău geh bâh ăp tác giả, ntŭk kan tác giả n’hanh mom ndăm lĕ ntŭk kan. Thủ tướng lah na nê̆, tâm let năp tay, nău ta lam ntur neh, ta nkual nchroh mbra geh nău tât ngăch, jêr, jêr njrăng. Tâm nău nĕ, neh dak he dôl nsrôih rdâk njêng n’gâng kan wăng sa đăp mpăn, ueh lăng mât leo êng ndrel đah nău kan leo kan lăp kan đah dak bah dih, săk rnglăy, ntrôl an rgâl mhe nău mĭn kan, dŏng kan, hun hao khoa học công nghệ, geh dŏng ăp nău mhe, nău mĭn kan mhe, ăp công nghệ ueh mhe. Ngăn lah, nău kan rdâk njêng tahen dôl geh mbơh ăp nău mhe, nău tơm khlăy lah rdâk njêng ntŭk kan tahen ƀon lan cách mạng, nău kan tơm, nău kan di, ueh mhe, nâp dăng mpeh chính trị, nău mĭn, nău kan, ntŭk kan n’hanh cán bộ.