Măng nar 1/2, ta Hà Nội, Thủ tướng Phạm Minh Chính râng rơh pă giải Báo chí Búa Liềm vàng tal 8 năm 2023. geh 72 tác phẩm ntoh lư geh rnâng kan leo kan săch pă giải lah ndơn kan ntoh lư an 2.216 tác phẩm geh tâm di nău nsrôih, nău blău, nău gĭt vât n’hanh mpơl nău pah kan, mĭn kan đah nău mĭn mpeh chính trị dŭt ngăch ngăr, nău mĭn tâm di tâm nău kan n’hanh dơn kan ta ntŭk rêh jêng, đah nău rŏng ƀon tơm, neh dak têh kuăng bâh ăp nuĭh ƀư báo.

Ntoh ngơi ta rơh lễ, Thủ tướng Phạm Minh Chính rhơn nău dơi bâh Giải búa liềm vàng tal 8 năm 2023 n’hanh rhơn ăp nuĭh kan, ntŭk kan lĕ tât râng n’hanh geh geh giải năm aơ. Đah trong kan “sŏk nău ueh nklơi nău mô ueh”, “sŏk nău nsrôih ntrôl nău mô ueh”, Thủ tướng đă ăp gâl ủy, ntŭk kan đảng rgum leo kan, ntĭm đă, nta nău dơh nơih an ăp ntŭk kan báo chí, mpôl phóng viên rgum mbơh tơih, nchih nkoch ăp nău khlăy mpeh lý luận, nău mĭn rgâl mhe bâh đảng n’hanh nsrôih rdâk njêng Đảng kloh ueh, nâp dăng. N’hao tay lơn ăp nău nchih mpeh nău ntoh lư, nău kan nuĭh ueh, kan ueh, nuĭh kan ntoh lư.