VOV4.Mnông-Ôi nar 20/1, Thủ tướng Chính phủ Phạm Minh Chính tât râng n’hanh ntĭm leo ta rơh rƀŭn nchră mbơh ƀư nău kan dak si năm 2022 yor n’gâng kan dak si leo ƀư tĭng trong sŏng dăng tâm rgop trực tuyến đah rlău 700 ntŭk tâm mâp ta 63 n’gor, nkuăl ƀon têh ta lam dak.

Ntoh ngơi ta rơh rƀŭn nchră, Thủ tướng chính phủ Phạm Minh Chính lah na nê̆, n’gâng kan dak si ndâk nsơm dâl ăp nău mô dơi, mô hŏ geh ƀư, doh rklaih ăp nău kŏ văk tâm nău pah kan njrăng, rdâng nuh srê kơt lĕ an dŏng dak si, vacxin, rdâk njêng ăp ntŭk kan dak si kan ăp ntŭk , ngih dak si kan manh n’hanh ngăn lah nău rvăt năp, rmal răng dăng ăp nău ƀư tih, uănh khlăy tâm nău kan njrăng nău kan mô ueh, sa nkhiăn sa ƀer, yor nău geh nsum mpôl, mô an du hê ƀư mô ueh lĕ nău rêh, rdâk njêng mpôl cán bộ, nai dak si, nuĭh pah kan geh nău kan tâm di, nâp nâl mpeh chính trị, gĭt blău mpeh nău bôk nău, blău mpeh nău kan, săk rnglăy. N’hao nău ntĭm nti cán bộ dak si mpeh nău dơn kan n’hanh nău mĭn pah kan tâm di ueh.

Nuĭh rblang: Thị Đoắt