VOV4.M’nông- Kêng măng nar 5/6, ta nkuăl ƀon têh Hồ Chí Minh, Thủ tướng Chính phủ Phạm Minh Chính râng n’hanh ntoh ngơi ntĭm leo rơh rƀŭn nchră lĕ rngôch tâm nchră gâl têh Rơh tâm mâp tâm nchră wăng sa Việt Nam đah bôk nău : “Rdâk njêng n’gâng kan wăng sa đăp mpăn, kan êng ndrel đah lăp kan ndrel nău wăng sa têh hvi tâm nău mhe” yor rnâng kan wăng sa Trung ương ƀư đah nău leo kan bâh Ủy viên Bộ chính trị, kruanh rnâng kan wăng sa Trung ương Trần Tuấn Anh.

Lôch geh djăt ăp nău tâm rgop tâm nchră ta rơh tâm nchră, Thủ tướng chính phủ Phạm Minh Chính lah na nê̆, trong mpŏng “Đăp mpăn, kan êng ndrel đah lăp kan nsum” ntoh lưh bâh nău mĭn kan lĕ rngôch bâh Đảng he mpeh tâm rgop soan dăng mpôl rnoi đah soan dăng nău rêh mhe, lah nău dŏng kan mhe bâh chủ nghĩa Mác Lê Nin n’hanh nău mĭn Hồ Chí Minh. Mpeh nău kan, trong kan tơm khlăy, Thủ tướng lah na nê̆, an geh njêng ntŭk kan đăp mpăn, mât nâp đăp mpăn, ƀư tơm, lĕ rngôch nkual neh, đăp mpăn chính trị rêh jêng, đăp mpăn ntŭk gŭ rêh tâm di pháp lý, njêng nău mhe n’hanh dơh nơih an hun hao wăng sa đăp mpăn kan êng, ndrel đah kan nsum têh hvi ta la ntur neh.

Nuĭh rblang: Thị Đoắt