Nar 16/2, Thủ tướng Phạm Minh Chính hŏ rđău đă ăp n’gâng kan, ăp n’gor, đơn vị joi ăp trong ƀư ntrŭt ntrôl ngăch ăp ntŭk nchrăp kan khlay gưl neh dak, rgum tơm n’gâng kan ntung trong nchuăn rdeng. Thủ tướng Phạm Minh Chính rgum tay ăp nău dơi hŏ geh tâm nău an ƀư ăp ntŭk nchrăp kan khlay gưl neh dak, rgum tơm n’gâng kan ntung trong nchuăn rdeng.

Thủ tướng rnê ăp tơm nuĭh ntuh kơl, ăp Ban mât uănh trong nchrăp kan, ăp tơm nuĭh ƀư  ndranh, ăp đơn vị mbơh nti tâm ban ŭch du nuih n’hâm, nsrôih an ƀư gay ăp ntŭk ƀư nâp uĕh, di rnoh ngăch tâm năm aơ. Jao nău dơn kan na nê̆  an ăp  n’gâng kan, ăp  n’gor, lơn lah tâm nău ntrŭt ntrôl  an ƀư ăp  trong nchrăp kan; rgum đă ntrơn du rong neh an ƀư ăp ntŭk nchrăp kan n’hanh đăp mpăn tŏng ăp tơm neh lŭ dŏng an ntŭk nchrăp ƀư, Thủ tướng rđău đă ăp tơm nuĭh geh tât ân lor nchrăp, kan nsum nkra ăp  nău kŏ kol ntoh luh rnôk  ƀư  ngăn, mô ntĕ nău; ân lor nchrăp nsrôih an ƀư nău dơn kan dơi jao, ân di rnoh ngăch, n’hao nâp uĕh, tŏng di kỹ mỹ thuật, đăp mpăn uĕh di./.