Ta nar rgŏ jă, Thủ tướng Phạm Minh Chính lah rjăp, tâm rnôk, Kruanh Hồ Chí Minh yô̆ mro, tâm pă, mât uănh nău rêh nuĭh ƀon lan n’hanh nuĭh pah kan đah nuih n’hâm tâm yô̆ tâm kơl âk. Uănh mĭnh tât bah nău dơi ăp rơh kruanh Đảng, Ngih dak ndơn tay, nthoi tay, lĕ lah kruanh, ƀĭt joet n’hanh an, mbơh ƀư âk trong nău kơl hun hao rmôt pah kan.

Năm tât, Thủ tướng đă djăt mro, tâm pă n’hanh mkra uĕh ăp nău jêr jŏt, wăk kol, đăp mpăn nău geh tâm di, bah nuĭh pah kan. Thủ tướng lah rjăp âk nău kan đah ăp n’gâng kan, nău kan ƀon lan n’hanh tổng liên đoàn Lao động Việt Nam, tâm nĕ geh nău kan đăp mpăn nâp nâl, n’hao uĕh nău rêh, rgâl uĕh pah kan bah phung pah kan; rgum ƀư săk rnglăy prăk an manh kơl an 120.000 rmen prăk an hun hao jay gŭ nău rêh kon nuĭh, jay gŭ phung pah kan. Nkre, Thủ tướng đă ơm mkra n’hao săk rnglăy pah kan lam dak, n’hao nău nti, gĭt blău nău kan an nuĭh pah kan.