VOV4.M’nông – Kêng măng 19/4, Thủ tướng Phạm Minh Chính lĕ rgum nchră đah wa Om Birla, Kruanh Hạ viện Ấn Độ di rơh Kruanh Hạ viện dôl ƀư hăn khâl na nê̆ tât Việt Nam. Thủ tướng Phạm Minh Chính mĭn lah, Việt Nam rnê, nta nơih an ăp doanh nghiệp Ấn Độ ntrôl dăng ntuh kơl đah dak si, ngih wâl, công nghệ nkret njêng, ê nkra, công nghệ thông tin, công nghệ sinh học, ŭnh nar nkra njêng, lŏ mir công nghệ mhe, rgâl mhe mĭn ƀư..

Thủ tướng Phạm Minh Chính rgum nchră đah Kruanh Hạ viện Ấn Độ.

. Thủ tướng đă 2 ding mât uĕh tay ăp trong ƀư kan ndrel, tâm nĕ geh trong ƀư Ủy ban 2 chính phủ; ntrôl lơn tay kan ndrel mât njrăng bri dak-rnă njrăng, văn hóa, pâl nđaih, tâm nuĭh ƀon lan, ntĭm nti, rgâl mrô, rgâl ŭnh nar, rdâng đah rgâl trôk nar mih sial, pring xăng. Thủ tướng mpŏng ŭch Ấn Độ ntop kơl tay, nta nơih an nuĭh ƀon lan n’hanh doanh nghiệp Việt Nam gŭ rêh, nti ntơm, pah kan ta Ấn Độ.

Nŭih blang: Y Sưng Phê Ja