VOV4.M’nông-Ôi nar 13/10, ta nkuăl ƀon têh Cần Thơ, Thủ tướng Phạm Minh Chính n’hanh ăp đại biểu Quốc hội ta mpôl Đại biểu Quốc hội Cần Thơ tâm mâp ƀon lan ta năp rơh rƀŭn nchră tal poăn, Quốc hội khóa 15. Ta rơh tâm mâp, ƀon lan nkuăl ƀon têh Cần Thơ mpơl nău rhơn ta năp nău wăng sa rêh jêng bâh neh dak 9 khay ba năp lĕ dơi geh âk nău dơi khlăy, ntoh lư ta âk trong kan, ŭch n’hanh dăn đă đah Quốc hội, chính phủ an geh ăp trong kan gay ma n’hao ăp nău dơi kan, doh rklaih ăp nău jêr jŏt, kŏ văk aƀaơ kơt tâm nău rvăt tăch dak si, ndơ dŏng dak si, ntuh kơl an ntŭk kan ba dâng, nău kơl rgâl mhe prăk kaih, nău hun hao wăng sa tuch tăm...

Lôch geh djăt ăp nău tâm rgop bâh ƀon lan, Thủ tướng Phạm Minh Chính lĕ tâm nkoch đah ăp ƀon lan du đê̆ nău mbơh tơih tơm khlăy mpeh nău geh wăng sa rêh jêng 9 khay bôk năm, nkre lah ntĭm đă nchŏng mbơh ăp nău kŏ khan, mô dơi...Thủ tướng đă ăp gâl kan,ăp n’gâng kan, ăp ntŭk an geh ƀư tĭng ueh tâm ban, săk rnglăy ăp trong kan, nău kan ngluh mbơh ta ăp trong kan, tâm nĕ, uănh khlăy tât nău kan njrăng rdâng nuh srê Covid-19, mât đăp mpăn ueh lăng ta ntŭk tăch rgâl, rnoh khlăy ăp ntil ndơ khlăy an nău pah kan jan sa, nău rêh jêng, ngăn lah ta rơh tết n’hanh bôk năm 2023, dŏng lĕ rngôch ăp rơh nkhêp ueh ta ntŭk tăch rgâl dak bah dih ta dŭt năm.

VOV/Nuĭh rblang: Thị Đoắt