Rơh tâm mâp măt lah rơh gay ma nuĭh leo kan chính phủ, ăp n’gâng kan, ntŭk kan djăt nău ngơi doanh nghiệp, geh nău uănh kan bâh doanh nghiệp gay ma doh rklaih nău jêr jŏt, ntrôl nău pah kan tăch rgâl, đah nău mĭn kan ăp n’gâng kan, ăp gâl kan, ăp nuĭh an geh nsum ti, tâm rgop soan, nsrôih bâh nău dơi nău kan, nău kan, nău dơi geh pă jao gay ma tâm rgop jêng nău kan têh, rlet rlău nău jêr jŏt. Thủ tướng tă lah na nê̆, Đảng, ngih dak n’hanh ƀon lan way lah ntŭk nơm, nsum ti ƀư lôch nău kan rdâk njêng n’hanh mât ngih dak.

Ndơn kan an chính phủ, Thủ tướng kơp dơn, rnê n’hanh lah ueh nău nsrôih, ăp nău dơi geh bâh ăp doanh nghiệp ngih dak, tâm rgop ta nău dơi geh, nău geh nsum bâh neh dak. Thủ tướng đă ăp đại biểu rgum uănh năl nău tât kan hun hao doanh nghiệp ngih dak, ăp nău dơi geh n’hanh jêr jŏt aƀaơ, ăp trong kan gay ma sŏk dŏng an săk rnglăy tay lơn drăp ndơ, gay ma doanh nghiệp ngih dak hăn lor bôk năp, leo trong, mpŏng kan, njêng nău nsrôih, nău nđơr an ntŭk kan doanh nghiệp lah nsum n’hanh ntrôl dăng lơn tay ăp nău hun hao mhe.