Ntoh ngơi ta rơh tâm mâp, Thủ tướng Chính phủ Phạm Minh Chính lah na nê̆, Đảng n’hanh ngih dak he way uănh nuĭh Việt Nam gŭ ta dak bah dih, tâm nĕ geh nuĭh Việt ta Trung Quốc, lah du ntŭk mô dơi nglah êng bâh rmôt tâm rnglăp mpôl rnoi, lah ngoăy tâm âk nău nsrôih, tu tơm soan dăng hun hao bâh neh dak.

Tâm let năp tay, Thủ tướng ŭch âk nuĭh Việt ta Trung Quốc an geh n’hao tay nău mĭn tâm pêt tâm kơl, n’hao nău tâm ryơk mpôl rnoi, nău tâm rnglăp, tâm kơl rlet rlău nău jêr, nsrôih an hun hao, lăp kan ndrel, ƀư tĭng pháp luật n’hanh ntop an hun hao ta dak nơm, ngăn lah ntung njŏ dŭt khlăy an nău tâm boh kan way ơm tâm rnglăp n’hanh tâm kơl kan lĕ rngôch đah Việt Nam n’hanh Trung Quốc.