Tâm mbơh tơih jru mpeh ăp nău ta lam ntur neh, ta nkual, nuĭh leo kan ăp dak lah tay na nê̆ nău way, nău mĭn kan bâh ASAEN, lah na nê̆ nău khlăy bâh nău đăp mpăn, rnă njrăng, đăp mpăn ta dak lêng Biển Đông, ntrôl dăng ƀư tĭng tŏng ăp n’hanh săk rnglăy nău mbơh DOC n’hanh nsrôih dơi geh nău way kan COC ngăn ngăn, săk rnglăy, tâm ban luật pháp lam ntur neh n’hanh UNCLOS 1982, kơl an n’hao nău kan bâh ASEAN tâm nău nsrôih kơl an Myanmar, ntrôl an geh săk rnglăy tâm ban 5 nău, tâm mbơh nău mĭn kan mpeh nău tât bâh rơh tâm rkeh Nga- Ucraine, lah na nê̆ ƀư tĭng ăp nău way kan tơm bâh Hiến chương Liên hợp quốc n’hanh luật pháp lam ntur neh.

Thủ tướng Phạm Minh Chính nkoch, rlău n’gul rach năm geh njêng n’hanh hun hao, ê hŏ tă geh ASEAN ta nău kan ueh tâm ban kơt tâm rdâng đah âk nău ntul rlong aƀaơ. ASEAN nkre lah ntŭk tơm bâh âk nău mĭn kan tâm rgop n’hanh tâm boh pah kan ta nkual, nkre lah ntŭk tơm ta nău tâm rlong, tâm rkeh dŭt hô đah ăp dak têh.