Kêng măng 30/6, ta ntŭk kan Chính phủ, Thủ tướng Chính phủ Phạm Minh Chính tâm nchră đah Kruanh Hội đồng Neh dak (Hạ viện) Thuỵ sĩ Martin Candinas. Tâm nar mâp, Thủ tướng rnơm lah, rơh khâl bah Kruanh Hạ viện lah nau nkah khlay, rgop nau pơk du ntrong mhe tâm nau tâm boh Việt Nam-Thuỵ sĩ; nkre rơh khâl aơ, Kruanh geh dơi gĭt âk lơn tât nau ơm yau ndrel kon nŭih Việt Nam ueh, tâm dăch, rŏng năch.

Gay n’hao nau tâm gĭt rbăng ndrel tâm rnơm chính trị, njêng nau nsôih ntrŭt dăng tâm boh âk ding đah 2 dak, Thủ tướng đă 2 dak ân geh tâm boh ntrŭt dăng lơi ăp nau kan tâm nchră rmôt kan ndrel tâm n’ur ƀon lan, tâm rgop ngăn tâm ăp rnôk tâm nchră âk ding, rgop nau đăp mpăn, nâp nâl tâm nkuăl ndrel lam ntur neh./.