Ôi 28/8, ta Thủ đô Hà Nội, Thủ tướng Phạm Minh Chính hŏ ƀư tơm Lễ wơt ngăn n’hanh tâm nchră đah Thủ tướng Singapore Lý Hiển Long. Ta tâm nchră, bar Thủ tướng tâm ban ŭch n’hao âk trong hăn tâm khâl nsum, tâm mâp gưl têh n’hanh ăp gưl ta lĕ rngôch ăp trong kan Đảng, Ngih dak, Chính phủ n’hanh Nghị viện; lơn lah tâm ban ŭch mbra ƀư rơh mâp way ăp năm đah Thủ tướng bar dak gay tâm ôp mpeh tâm boh bar ding n’hanh ăp nkô̆ nău ndrel uănh khlay.

Bar Thủ tướng lah rjăp an ƀư geh nău tam tâm boh wăng sa nđĭr uĕh- wăng sa mbrô, ntơm jâng gay ndơ̆ tâm boh Việt Nam - Singapore jêng trong ntĭt leo let năp tay tâm ASEAN; rnê âk nău bar ding hŏ năn ƀư lôch jêh nău n’hao gưl tâm ton rpaih buăt nthoi jâng wăng sa Việt Nam - Singapore. Thủ tướng Chính phủ Phạm Minh Chính dăn đă Singapore nta trong dơh n’hao dăng rvăt n’glăp ăp ntil ndơ bah Việt Nam; pơk hvi ntuh kơl tâm ăp trong kan n’gâng tơm n’hanh mpeh rmôt an ƀư lor bah Việt Nam; ntop kơl Việt Nam hun hao ăp n’gâng kan công nghiệp ntop kơl an ăp n’gâng kan ƀư njêng kơt, choh bok ao, nkret njêng si, pâng duk mpan, hun hao ndơ dŏng kan công nghiệp, hóa chất, lôk joi pring./.