Ntŭk kan mât săm tahen sôt rmanh Nho Quan lah 1 tâm 30 ntŭk mât săm tahen sôt rmanh, tahen geh nău ji hô ta lam dak. 55 năm pah kan, ntŭk kan lĕ geh dơn, săm, mât rong rlău 2 rbăn tahen sôt rmanh, tahen geh nău ji hô.

Aƀaơ, ntŭk kan dôl lah ngih jay nsum bâh 68 tahen sôt rmanh, tahen geh nău ji, 23 nuĭh pah kan tâm lơh kăl e n’hanh kon deh bâh nuĭh pah kan tâm lơh geh nău ntưp dak si hóa học, 56 nuĭh geh nău rêh dŭt jêr jŏt. Ntoh ngơi ta aơ, Thủ tướng Phạm Minh Chính rhơn nkoch đah ăp nău ji, nău roh jot ma ăp mê̆ Việt Nam anh hùng n’hanh tahen sôt rmanh dôl tâm rdâng. Thủ tướng ŭch ăp mê̆, ăp tahen sôt rmanh way geh ngăch dăng, dơi rdâng đah nău ji, lah nău ntoh ang gay ma ăp rơh tĭng kan.