Di rơh tết năm aơ, Cần Thơ lĕ mât uăn, mât kơl an ueh, geh âk nău kan na nê̆, khlăy an ăp rnăk dơi kơl, nuĭh pah kan, nuĭh kan, rnăk ach o, nuĭh geh nău rêh jêr jŏt ( tât nar dŭt khay 1/2024, nkuăl ƀon têh lĕ pă an 73.902 nklâm ndơ đah lĕ rnoh prăk hao tât 74 rmen prăk).

Tâm let năp tay, Thủ tướng ŭch nkuăl ƀon têh Cần Thơ an geh mât uănh tât nău kan rnă njrăng đăp mpăn, ŭch nkuăl ƀon têh lĕ ƀư ueh hôm, an geh ƀư ueh tay lơn, năm mhe, têt tât,ăp nuĭh an geh vơt sa têt, mô geh nklơi du hê ba kơi, an geh ƀư ueh tay lơn. Ta rơh aơ Thủ tướng n’hanh nuĭh leo kan ăp ntŭk kan n’gâng kan lĕ pă an 200 nklâm ndơ tât ăp rnăk dơi kơl, rnăk ach o, rnăk geh nău rêh jêr jŏt, 400 nklâm ndơ pă an ăp rnăk geh nuĭh kan 50 nklâm ndơ an nuĭh âk năm deh mô geh ntŭk nsing nơm, oh kon se kon đơi lĕ ma me bơ̆ geh nău rêh jêr jŏt.