Ta rơh pah, Thủ tướng Phạm Minh Chính kơp dơn, rnê, n’hao âk nău nsrôih, nău geh ma n’gâng kan tahen n’har bri dơi geh tâm ba năp nơh, tâm let năp tay Thủ tướng đă, nău leo kan an tâm di đah ăp trong kan, nău rdâk njêng, mât uănh, mât trong n’har bri tâm nău mhe, tâm rgop đah soan pah kan, nău dơi bâh luật pháp, nău mĭn kan đah soan dăng bâh lĕ trong kan chính trị, ngăn lah soan dăng kan bâh ƀon lan, nău dơi bâh nău mĭn, kon nuĭh n’hanh văn hóa Việt Nam, ngăn lah nău dơi, văn hóa ntoh lư bâh ƀon lan ăp mpôl rnoi ta n’har bri.

Ƀư tĭng ueh ăp trong kan “Yor ƀon lan chuêl săk nơm, yor ƀon lan pah kan”, way geh ƀư tĭng ƀon lan, dăch ƀon lan, ƀư tĭng ta ntŭk kan, ƀư ueh nău kan rgŏ jă, nsrôih tât râng rdâk njêng trong kan chính trị ta ntŭk ta nkual n’har bri an nâp nâl, kơl an ƀon lan hun hao wăng sa, rêh jêng, jut jăng ach o, rdâk njêng nkual ƀon lan mhe. Rgum rdâk njêng Đảng bộ tahen n’har bri nâp kloh ueh, ntŭk kan nâp dăng lĕ rngôch.