VOV4.M'nông: Ôi 11/5, Thủ tướng Phạm Minh Chính leo Mpôl ntơh măt gưl têh Chính phủ Việt Nam hŏ tât thủ đô Washington (Hoa Kỳ) ntơm râng tâm nchră gưl têh mha êng ASEAN - Hoa Kỳ. Nchrăp ta Tâm nchră gưl têh mha êng dja, kruanh ăp dak ASEAN n'hanh Tổng thống Hoa Kỳ mbra ndrel uănh tay lĕ rngôch du njăr trong tâm boh bar ding tâm 45 năm aơ n'hanh ndơ̆ luh ăp trong rƀŏng hun hao tâm boh ASEAN - Hoa Kỳ tâm let năp tay, nkre ntêm an mông nar tâm ôp mpeh ăp nkô̆ nău tâm nkual n'hanh lam ntŭr neh ndrel uănh khlay.

Tâm rnôk hăn pah kan, Thủ tướng Phạm Minh Chính mbra geh ăp rơh wơt kruanh rđău kan du đêt nhih pah kan dak bah dih, doanh nghiệp, nuĭh rnâng kan, học giả ta Hoa Kỳ; khâl ăp ntŭk wăng sa, văn hoá, ntĭm nti bah Hoa Kỳ; râng ăp nău kan ntrŭt ntrôl ngăch tăch rgâl, pâl nđaih n'hanh ntuh kơl. Thủ tướng ntêm an mông nar mâp nuĭh Việt Nam ta Hoa Kỳ./.

Nuĭh rblang: Điểu Thân