Lơ 12/9, nthoi tay rơh pah kan uănh nđôi nu nău khuch yor dak lip lơh, Thủ tướng Phạm Minh Chính mô dơi ât dak măt rnôk tât thôn Làng Nú, xă Phúc Khánh nkuăl Bảo Yên, n’gor Lào Cai. Tĭng nău mbơh, n’gor Lào Cai geh 6/9 nkuăl, nkual têh, nkual ƀon têh geh nuĭh khĭt. Dĭng lĕ nuĭh sôt rmanh lah 255 nuĭh, tâm nĕ 98 nuĭh khĭt; 81 nuĭh roh, 76 nuĭh sôt rmanh.

Êng ta thôn Làng Nú-xă Phúc Khánh-nkuăl Bảo Yên lĕ joi saơ 44 nuĭh khĭt. Thủ tướng ât nău rngot, hăn tât ntŭk bŏk rsĭk, ntŭk nuĭh ƀon lan geh bŭl, ndrel đah rmôt tahen, công an joi săk nuĭh ƀon lan mô lap n’hanh tâm pă nău blău ơm joi nuĭh mâp rmanh, đah ăp rmôt kơl an. Pah kan đah n’gâng kan ƀon lan, Thủ tướng rngot njuăl nău rngot đah ăp nuĭh mâp rmanh. Thủ tướng đă rgum rmôt tahen joi 51 nuĭh dôl roh, đah ăp nuĭh sôt săk an mât uănh dak si dak glê tŏng ăp. An răk rao ntŭk ntô, njrăng n’gang kop srê, mkra ntung trong. Thủ tướng đă mặt trận tổ quốc, ăp nsum mpôl uănh an nuĭh ƀon lan ntŭk aơ ngăch; lah uĕh rmôt công an, tahen lĕ kâp uănh ngăch kơl kônh wa ƀon lan ntŭk aơ.